చినుకులన్నిటిఁ జేర్చి చిత్రవల్లికఁ దీర్చి
నీటిసంపదఁ గూర్చు నేత యెవరొ!
ననల సౌరుల నింపి నాకమ్ము నన తోపి
వనసంపదలఁ గూర్చు ప్రభువదెవరొ!
తనివి తీరని తృష్ణ దరులఁ జేర్చని నావ
కేల నుంచితి వంటు కీర్తులమర,
కనుల విందునుఁ జేసి మనుగడలనుఁ గాసి
కనరాక నిలుచున్న కాంతుడెవరొ!
యెవ్వరెఱుగనట్టి యేకాంతలోకాల
నెక్కడుండునేమొ చిక్కకుండ
నివ్వరితృణమందు నిరతమ్ము కొలువుండు
చక్కనైన వాడె దిక్కు యెపుడు.
-- లక్ష్మీదేవి
సీసము
ఆటవెలది
కామెంట్లు లేవు:
కామెంట్ను పోస్ట్ చేయండి